Gemiesjte proklematie van Prinsepaar

Gemiesjte proklematie van Prinsepaar

Column: Dan sjrief mer plat:

Gemiesjte proklematie van Prinsepaar

 

Sjtèl veur, dat de prinseproklematie van Naud en Kirsten gemiesjt woort en d’r ’n gans anger verhaol oetkump? Dan krieste dit (mèt ’n knipoug natuurlijk. Veur de echte kiek mer in ’t gezètje).

Fièskes boewe dat zit biej Naud en Kirsten in ’t blood,
mer die van Sjummert wille zich dao gaer boete houte.

En de tennisclub van Hulsberg geit waal mèt Nuth en Wienesroa ‘n bèlke houwe,
jao, dao haet Naud väöl mit rondgehange!

Ouch de sjpasskapel Nootgeval is neet aan häöm veurbie gegange,
want Naud en Kirsten höbbe noe lang genóg gewach totdat ze op de Prinsewage mochte.

Van jóngs af aan zint ze namelijk al mètgegange in de optochte,
en mèt nuuj animo hilt dees traditie nog jaore sjtand.

En noe, nao 11 jaor haet de jónkheid de lètste den geplant,
dus dit jaor hink biej Naud en Kirsten de carnavalsvlag aan de boet.

Naud trèkt ouch biej de fanfaar van Arensgenhout mèt de vaan d’r op oet,
’t gereserveerde geld veur de verboewing van ’t Gemeinsjapshoes höbbe veer dao aan te danke!

En umtot de gemeinte Nuth noe same geit mèt Sjènne en Öngerbanke,
zeen veer Naud en Kirsten baove op de prinsewage sjtaon “gans gewoon”.

Dus nao 11 jaor mótte de Loetsjers ’t mer zónger hun doon,
houpelijk höbbe Naud en Kirsten noe minder las van wind en water.

En noe vilt carnaval dit jaor ouch nog ‘n paar waeke later,
missjien is dizze “Derde hèlf” nog waal sjlechter veur de gezondheid.

En wat van de kunstgraasvelde die mèt sjtökskes autobeng ligke bezeit?
nae, parkere in ós dörp is ech neet miè fijn.

Mer nao de Chinees, de Käöl of de Albert Heijn,
dat zit kómmende carnaval mèt Naud en Kirsten dus waal good.

Want fièskes boewe dat zit biej Naud en Kirsten in ’t blood, …..

’n Driewerf Alaaf!

 

Laes editie 2-11 van #de Hulsberger